Kandidati për kryetar të Komunës së Mitrovicës nga radhët e PDK-së, Arian Tahiri, është lajmëruar pas mbylljes së procesit të votimit.
Tahiri me anë të një video-mesazhi iu ka bërë thirrje vëzhguesve dhe komisionerëve që ta respektojnë vullnetin e mitrovicasve përmes ruajtjes së votës.
“Qytetarët e Mitrovicës e thanë fjalën e tyre. Tani është radha e komisionerëve dhe vëzhguesve që ta numërojnë çdo votë me kujdes e ndershmëri, duke respektuar vullnetin e votuesve mitrovicas.
Le të tregojmë maturi, sepse besimi i qytetarëve është më i vlefshëm se çdo rezultat”, ka thënë Tahiri.
Exit Poll-et e shpallën fitues Tahirin me rezultat të ngushtë.
