Analisti i njohur i CNN, Fareed Zakaria, tha se ish-presidenti amerikan Donald Trump “nuk është në telashe” lidhur me përfshirjen e mundshme të SHBA-së në konfliktin Izrael-Iran.
Sipas Zakarias, Trump po shfrytëzon një mundësi strategjike të hapur dhe po përpiqet të marrë pjesën e lavdërisë pas sukseseve izraelite, duke mos përjashtuar opsionin e sulmeve me bombardues B-2.
Zakaria theksoi shqetësimin për mënyrën si po merren vendimet ushtarake dhe politike në SHBA, duke vënë në dukje ndikimin e një lideri “i paparashikueshëm” dhe të përqendruar në pushtet. Ai e përshkroi regjimin iranian si të dobët ekonomikisht, por që vazhdon të qëndrojë për shkak të strukturave ideologjike dhe klienteliste.
Analisti theksoi gjithashtu rolin e kryeministrit izraelit Netanyahu dhe influencën neokonservatore amerikane në rajon, duke vënë në pah edhe rëndësinë e Turqisë si faktor kyç me interesa të kundërta.
Sa i përket politikës së brendshme amerikane, Zakaria paralajmëroi një rrezik autoritarizmi nën Trump, i ngjashëm me tendencat joliberale të liderëve si Viktor Orbán.
