Ambasadori italian në Prishtinë Maurizio Antonini, ka njoftuar se sot është takuar me u.d të presidentes, Albulena Haxhiu, me të cilën kanë diskutuar për gjetjen e një kandidati konsensual për president.
Ai ka thënë se shpreson që institucionet e reja të krijohen shumë shpejt, në mënyrë që Kosova të ketë institucione të mandatuara plotësisht dhe që janë të gatshme t’i përgjigjen aspiratave të vendit.
“U diskutua gjithashtu procesi i optimizimit të KFOR-it dhe çështja e riintegrimit të gjyqtarëve dhe prokurorëve serbë. Presidentja Haxhiu shprehu gjithashtu vlerësimin e saj për pjesëmarrjen e Italisë në ceremoninë e hapjes së Lojërave Mesdhetare në Taranto dhe për takimin me Presidentin italian Sergio Mattarella”, thuhet në njoftim.
