Ali Berisha nga AAK në Pejë, ka deklaruar se nuk do të jetë pjesë e asnjë gare politike në asnjë nivel.
Burime të afërta me zhvillimet brenda degës së AAK-së në Pejë bëjnë të ditur se gara për të parin e Aleancës në këtë komunë pritet të zhvillohet së shpejti, ndërsa kandidaturën për këtë pozitë do ta zyrtarizojë asamblisti më i votuar i kësaj partie Naim Bytyqi.
Bytyqi e ka konfirmuar se do të hyjë në garë për drejtimin e degës së AAK-së në Pejë.
Tërheqja e Berishës nga çdo garë politike hap një kapitull të ri për degën e AAK-së në Pejë, ndërsa mbetet të shihet se si do të rrjedhin zhvillimet e brendshme në këtë subjekt politik në ditët në vijim.
