Analisti Alfred Cako ka deklaruar se ish-krerët e UÇK-së, Hashim Thaçi dhe Kadri Veseli, mund të përballen me rrezikun që të mos lirohen nga Dhomat e Specializuara të Kosovës.
Gjatë një interviste në emisionin “N’pikë” në DTV Media, Cako foli për situatën e të arrestuarve në Hagë, duke shprehur shqetësimin e tij për ecurinë e procesit gjyqësor ndaj ish-udhëheqësve të UÇK-së.
Ai gjithashtu pretendoi se Thaçi është goditur politikisht për shkak të një takimi që, sipas tij, ishte planifikuar të realizohej në Shtetet e Bashkuara të Amerikës me ish-presidentin Donald Trump.
Deklaratat e Cakos pritet të ngjallin reagime, ndërsa proceset gjyqësore ndaj ish-krerëve të UÇK-së në Hagë vazhdojnë të jenë në fokus të opinionit publik.
