Qytetarët e Gjilanit do t’u drejtohen sërish kutive të votimit, pasiqë kjo komunë ka shkuar përfundimisht në balotazh.
Alban Hyseni i Vetëvendosjes ka siguruar 49.82% të votave, ndërsa Arbër Ismajli i Lidhjes Demokratike të Kosovës ka 34.31% të votave.
Nga ky rezultat, dy kandidatët për kryetar të komunës do të hyjnë në garën për balotazh që zhvillohet më 9 nëntor.
Çaste më parë përfunduan edhe votat me postë për këtë komunë, nga të cilat kryetari aktual Alban Hyseni nga Lëvizja Vetëvendosje ka marrë 51.76 për qind të votave të diasporës, ndërsa kandidati i Lidhjes Demokratike të Kosovës (LDK), Arber Ismajli, ka siguruar 36.53 për qind të tyre.
