Fatmir Limaj i Nismas Socialdemokrate ka reaguar pas publikimit të Aktgjykimit të Gjykatës Kushteutese ku u konstua se konstituimi i Kuvendit të Kosovës u shpall me zgjedhje antikushtuese të Nenad Rashiqit si Nënkryetar i Kuvendit nga komuniteti serb.
Limaj tha se këtë konstatim e kishte bërë vet qysh atë kohë dhe se vetëm sot u vërtetua. Limaj dhe vazhdoi të thotë se veprimet që pasuan pas konstituimit të Kuvendit të Kosovës në atë mënyrë kanë qenë mbi akt antikushtetues.
Postimi i Limajt:
E kam thënë me kohë. Sot u vërtetua.
Gjykata Kushtetuese e Republikës së Kosovës konfirmoi se zgjedhja e nënkryetarit të Kuvendit nga komuniteti serb ka qenë në kundërshtim me Kushtetutën.
Ky nuk është thjesht një detaj procedural.
Ky është një akt që prek vetë themelet e rendit kushtetues.
Kur një Kuvend konstituohet mbi një vendim antikushtetues, çdo veprim i mëvonshëm institucional, përfshirë dhënia e mandatarit dhe pastaj shpërndarja e Kuvendit bart pasojat e atij devijimi fillestar.
Presidentja e Republikës e ka pranuar një Kuvend të ndërtuar mbi një akt antikushtetues dhe mbi këtë bazë:
– është dhënë mandati për Kryeministër,
– është shpërndarë Kuvendi,
– dhe vendi është futur në zgjedhje të jashtëzakonshme.
Kjo përbën një zinxhir veprimesh të ndërtuara mbi një shkelje fillestare të rendit kushtetues.
Njëkohësisht, vonimi i publikimit të këtij aktgjykimi nga Gjykata Kushtetuese ngre një dyshim legjitim për kalkulim kohor politik, pasi ky vonim ka prodhuar pasoja reale dhe të pariparueshme për funksionimin e shtetit dhe besimin në rendin juridik.
Parimi i sigurisë juridike nuk mund të shndërrohet në mburojë për shkeljen e Kushtetutës.
Ai ekziston për të ruajtur stabilitetin, jo për të normalizuar paligjshmërinë.
Kushtetuta është themeli i Republikës.
Kur ajo shkelet, pasojat nuk janë teorike, ato janë shtetërore.
Për këtë duhet përgjegjësi.
