Disa persona, përfshirë fëmijë, kanë mbetur të lënduar pasi një autobus turistik me rreth 50 pasagjerë që po kthehej nga Ujëvara e Niagaras drejt New York City u përplas në një hendek, raportoi policia shtetërore.
Autobusi u përmbys pasi humbi kontrollin për “arsye të panjohura”, tha zëdhënësi i Policisë së Shtetit të New Yorkut, James O’Callaghan, duke shtuar se disa pasagjerë mbetën të bllokuar, ndërsa të tjerët u nxorën nga autobusi.
Autoritetet po vijojnë operacionet e shpëtimit pranë vendit të aksidentit përgjatë Autostradës Ndërshtetërore 90, afër qytetit Pembroke, në lindje të Buffalo. Guvernatorja e New Yorkut, Kathy Hochul, e përshkroi ngjarjen si “tragjik” dhe tha se ekipet po punojnë për të shpëtuar dhe ofruar ndihmë për të gjithë të përfshirët.
Autostrada Thruway është e mbyllur në të dy drejtimet pranë vendit të aksidentit, njofton policia shtetërore.
