Një aksident i rëndë trafiku ka ndodhur në rrugën magjistrale Rozhajë–Beranë në Mal të Zi, ku si pasojë e plagëve të marra ka ndërruar jetë një shtetas i Kosovës.
Viktima është identifikuar me inicialet E.M., 47-vjeçar, ndërsa lajmin e ka konfirmuar mediumi malazez “Vijesti”, duke iu referuar burimeve zyrtare nga Drejtoria e Policisë së Malit të Zi.
Sipas raportimeve, pas përfundimit të këqyrjes dhe ekzaminimit të vendit të ngjarjes nga ekipet kompetente, qarkullimi në këtë aks rrugor është liruar dhe i është rikthyer normalitetit.
Aktualisht nuk janë bërë të ditura detaje të tjera lidhur me shkaqet dhe rrethanat se si ka ndodhur ky aksident fatal.
