Një aksident i rëndë rrugor në periferi të Bolonjës la pas një viktimë dhe një të lënduar shqiptar. Ngjarja ndodhi në orët e para të mëngjesit të së premtes në Via Murri, ku një 18-vjeçar shqiptar humbi jetën, ndërsa një tjetër 19-vjeçar u plagos dhe po trajtohet në spital me dëmtime të moderuara.
Sipas policisë, dy të rinjtë, banorë të qendrave për të mitur të huaj të pashoqëruar, u vunë re në një semafor në Via Tolmino dhe tentuan të iknin nga kontrolli.
Makina e tyre tip Audi kaloi nëpër disa rrugë kryesore para se të humbiste kontrollin në një kthesë në Via dei Lamponi, duke u përplasur me një shtyllë ndriçimi dhe tabelë rrugore.
Pasagjeri 18-vjeçar u hodh nga makina dhe ndërroi jetë në vend, ndërsa shoferi u dërgua në spital me lëndime mesatare. Hetimet vijojnë nga autoritetet për të zbardhur shkaqet e aksidentit.
