Një ngjarje e rëndë ka tronditur Podujevën, ku një person është vënë në pranga pasi dyshohet se ka goditur me veturë një këmbësor.
Aksidenti ka ndodhur mbrëmjen e 1 nëntorit 2026, rreth orës 21:10, në rrugën “Ilir Konushevci”.
Si pasojë e përplasjes së fortë, viktima ka pësuar lëndime të rënda trupore dhe është transportuar me urgjencë në Qendrën Klinike Universitare të Kosovës për ndihmë mjekësore.
I dyshuari është intervistuar nga policia dhe, me vendim të prokurorit, është dërguar në mbajtje.
“Është arrestuar i dyshuari mashkull kosovar, nën dyshimin se ka goditur me veturë viktimën mashkull kosovar. Viktima ka pësuar lëndime trupore dhe është dërguar në QKUK për tretman mjekësor. Me vendim të prokurorit, i dyshuari pas intervistimit është dërguar në mbajtje”, thuhet në raportin e policisë.
