Një aksident i rëndë rrugor që ndodhi më 24 korrik në Skenderaj ka përfunduar me fatalitet, pasi një fëmijë humbi jetën si pasojë e lëndimeve të marra.
Në aksident u përfshinë dy automjete, me vozitës meshkuj – njëri shtetas i huaj dhe tjetri kosovar.
Përveç dëmeve materiale, gjashtë persona mbetën të lënduar, tri femra dhe tre meshkuj kosovarë, në mesin e tyre edhe fëmija që më pas ndërroi jetë.
“Viktimat janë dërguar për tretman mjekësor, ndërsa nga mjeku kujdestar është konfirmuar se njëra viktimë-fëmijë, ka ndërruar jetë. Me vendim të prokurorit viktima dërgohet në IML për obduksion”, thuhet në raportin e PK-së.
