Një aksident i rëndë ka ndodhur pasditen e djeshme në komunën Artogne të Italisë. Si pasojë e aksidentit, humbi jetën një 16-vjeçar me origjinë shqiptare.
Viktima është Manuel Leti, i cili po udhëtonte me motoçikletën e tij kur u përplas fillimisht me një automjet tip “Audi” të drejtuar nga një 44-vjeçar.
Si pasojë e përplasjes, adoleshenti humbi kontrollin e mjetit dhe goditi një shtyllë ndriçimi. Ekipet e emergjencës mbërritën menjëherë në vendngjarje, por fatkeqësisht, plagët e marra në gjoks dhe bark rezultuan fatale për të riun.
Ceremonia mortore për Manuelin do të mbahet nesër në orën 16:30.
