Dy persona kanë humbur jetën si pasoj e një aksidenti në fshatin Shushicë të Istogut.
Zëdhënësi i policisë për rajonin e Pejës, Fadil Gashi ka bërë të ditur se në këtë aksident janë përfshirë dy vetura ndërsa kanë mbetur të lënduar edhe tre persona, të cilët janë duke u trajtuar në Spitalin e Pejës.
Sipas Gashit, vdekja e njërit nga viktimat u konstatua nga mjeku kujdestar në vendin e ngjarjes, ndërsa vdekja e viktimës së dytë u konstatua me t’u arritur në Spitalin Rajonal të Pejës.
Në vendin e ngjarjes përpos policisë, kanë dalë emergjenca, zjarrfikësit dhe Prokurorit i Shtetit.
