Deputeti i Partisë Demokratike të Kosovës, Abelard Tahiri, ka deklaruar se qëndrimi i PDK-së lidhur me votimin për kryetar të Kuvendit mbetet i pandryshuar.
Para fillimit të seancës konstituive, ai ka kritikuar ashpër Qeverinë në detyrë, duke thënë se ajo nuk po i trajton problemet reale të qytetarëve dhe se po favorizon vetëm rrethin familjar të njerëzve në pushtet.
“Në krye të detyrës o kemi disa njerëz që nuk mendojnë për njerëz dhe halle të tyre, përkundrazi ia kanë vënë lakun në fyt edhe atyre bizneseve që e bëjnë paranë kryesore në sektorin privat. Ne jemi këtu me çu në shtëpi këtë Qeveri dhe me sjellë një qeveri që është në krye të detyrës dhe që arrin t’i trajtojë problemet e qytetarëve. Këta janë për vëllezërit e tyre, motrat e tyre. Këtu në këtë vend sot perspektivë kanë familjarët e tyre”, tha ai.
