Kryetari i Lidhjes Demokratike të Kosovës, Lumir Abdixhiku ka thënë se tubimet e mëdha të LDK-së po i rritin britmat e pushtetarëve gjatë fushatës zgjedhore.
Pasi u prit nga një numër i madh i njerëzve në Lugun e Baranit në Pejë, Abdixhiku tha se pritjet e tilla janë shenjë e fitores së LDK-së në zgjedhje.
“Ju falëmnderit nga zemra për këtë organizim madhështor. Për ata që nuk janë sot këtu, na vështrojnë. Ky nuk është tubimi i LDK-së në Pejë! Ky është Lugu i Baranit i Lidhjes Demokratike të Kosovës”, tha Abdixhiku.
“Por, t’ju them të vërtetën me këto tubime po më bëni pak telashe. Sa më të mëdha tubimet tona, aq më të larta britmat e piskamat e tyre. Ky këtu nuk është tubim, është tërmet politik, është shenjë se fitorja është e Lidhjes Demokratike të Kosovës”, u shpreh ai.
