“Ra ky mort e u pamë”.
Kështu është përgjigjur kreu i LDK’së, Lumir Abdixhiku, lidhur me mundësinë e një bashkëpunimi ndërmjet Lëvizjes Vetëvendosje dhe partisë që ai udhëheq.
“Me gjuhën e sotme politik, në shqip i thonë ra ky mort e i pamë. Për Kosovën ky mort ka ekzistuar për tash e sa kohë, fatkeqësisht duhet t’i shohim edhe një herë për të kuptuar se sa i vështirë është ky bashkëpunim. Si mund të bashkëpunosh me të që hedh helm dhe vrerë kundër të gjitha partive politike, për arsye se i do të gjitha pozitat për vete?”, tha Abdixhiku.
Më tej, ai tha se LVV dhe Kurti duhet t’i shpjegojnë popullit të Kosovës pse s’patën gatishmëri ta votojnë Osmanin për presidente.
