Kryetari i Lidhjes Demokratike të Kosovës, Lumir Abdixhiku, ka deklaruar se Lëvizja Vetëvendosje po vazhdon të kërkojë nga ai që të hyjë në bashkëqeverisje.
Deklarata e Abdixhikut erdhi pas komenteve të deputetëve të VV-së, Hekuran Murati dhe Agim Bahtiri, të cilët thanë se “populli e ka votuar Albinin, populli e ka thënë fjalën”.
Me ironi dhe publikisht, kreu i LDK-së i kërkojë Kurtit të mos e lus më për bashkëqeverisje.
“Populli e ka thënë, hahah… Po bëne bre Kuvendin! Mos na thirrni 30-40 herë, lëreni të bëjmë opozitë – ne jemi të lumtur! Nëse nuk mundeni me letra, mos na dërgoni. As njerëz mos çoni. Qetash po ju them: mos më çoni asgjë. Unë e jap fjalën njëherë, kuptojeni këtë gjë,” u shpreh Abdixhiku.
I pyetur për takimet e deputetëve të LDK-së me ata të Vetëvendosjes, Abdixhiku u shpreh i bindur se asnjë deputetë i tij nuk e tradhton partinë.
