Stilisti i njohur shqiptar, Mr Rex, ka ndezur rrjetin me një video që e postoi në InstaStory, ku shfaqet në një darkë me këngëtaren Fjolla Morina.
Ajo që tërhoqi më shumë vëmendje ishte një deklaratë me humor nga ana e stilistit: “Shac, a e di që pas hoxhës dhe priftit, vij unë pastaj që i martoj njerëzit në Kosovë.”
Kjo fjali ka ngjallur menjëherë reagime në rrjete sociale, ku ndjekësit po aludojnë për një lidhje të re të Fjollës, duke shtuar dyshimet se Mr Rex mund të jetë ndërmjetësues i kësaj romance.
Për momentin nuk ka asnjë konfirmim zyrtar nga këngëtarja, por fansat nuk po i kursejnë komentet nën videot e postuara nga të dy.
