Kryediplomati Glauk Konjufca, i cili është edhe i propozuar nga Lëvizja Vetëvendosje për President, ka sqaruar më tej deklaratën e tij për tërheqje nga kandidatura e tij. Ai sot tha se jep dorëheqje nga kjo kandidaturë nëse propozimi nga opozita është jopartiak.
Derisa po fliste për këtë temë, Konjufca u pyet nga gazetarët nëse do të ishte i pranueshëm kreu i LDK-së, Lumir Abdixhiku, për President.
“Nuk e di, s’kemi folur në këtë dimension. Unë sapo e thashë të kundërtën. Në dy pista kemi qenë. Pista e parë, nëse është politik, Lëvizja Vetëvendosja ka shkuar me propozimin e vet. Më lypshin me qenë kryeparlamentar, tash nuk e di pse s’po ju pëlqen tash president”.
Si pistë të dytë, Konjufca e rreshtoi opsionin e kandidatit jopartiak.
“Në anën tjetër është jopartiak. Nëse po thua jopartiak, ti po thua zoti Abdixhiku…”, iu drejtua ai gazetarit që e pyeti për Abdixhikun.
“Në kuadër të marrëveshjes politike”, u pyet sërish Konjufca.
“Kjo tash është diçka tjetër. Marrëveshje politike për President partiak, deri tash nuk u hap kjo, më duket”.
“Nëse është jopartiak, unë jap dorëheqje prej kandidaturës time. Jap dorëheqje sepse po gjendet një i të gjithëve, kush jam unë me mbyllë rrugë.
