NATO duhet të adresojë urgjentisht mundësinë reale të një përshkallëzimi të njëkohshëm ushtarak në dy fronte, në Evropë dhe në Paqësor. Ky është paralajmërimi që vjen nga Gjenerali Alexus G. Grynkewich , komandanti më i lartë amerikan në Komandën Evropiane të Shteteve të Bashkuara, duke folur në një konferencë të udhëheqësve të lartë ushtarakë dhe përfaqësuesve të industrisë së mbrojtjes në Ëiesbaden të Gjermanisë.
Me një përvojë si pilot luftarak dhe një karrierë të fortë operative në Lindjen e Mesme , Grynkewich është gjenerali i parë me tre yje që mban këtë post. Deklarata e tij synon të përforcojë mesazhin e Shteteve të Bashkuara për vazhdimësinë strategjike, duke i siguruar aleatët evropianë për forcën e lidhjes transatlantike dhe duke e vendosur NATO-n brenda prioriteteve të ripërtërira gjeopolitike të administratës amerikane.
Sipas gjeneralit, viti 2027 mund të përfaqësojë një pikë kthese kritike.
“Duhet të jemi gati me gjithçka që kemi: pajisje, municione, sisteme mbrojtëse. Nuk ka kohë për të humbur “, deklaroi Grynkeëich.
Skenari i hipotezuar është ai i një krize globale të shkaktuar nga një manovër e përbashkët midis Pekinit dhe Moskës: një sulm i mundshëm kinez ndaj Tajvanit mund të koordinohet me një ofensivë ruse në Evropë, me qëllim ndarjen e forcave të NATO-s dhe parandalimin e një përgjigjeje të përqendruar në Paqësor.
Gazeta gjermane Bild ka ngritur alarmin, duke theksuar se si një përpjekje e përbashkët midis Vladimir Putin dhe Xi Jinping mund ta tërheqë Perëndimin në një konflikt global. Nëse Kina do t’i kërkonte Rusisë të hapte një front të ri evropian për të larguar forcat aleate nga Tajvani, Aleanca Atlantike do të kishte më pak se 18 muaj për të organizuar një përgjigje ushtarake globale të besueshme.
Edhe Sekretari i ri i Përgjithshëm i NATO-s, Mark Rutte, e konsideroi skenarin e përshkruar nga Gjenerali Grynkewich “të besueshëm”. Sipas tij, një ofensivë ruse e nisur për të lehtësuar agresionin kinez kundër Tajvanit do të përfaqësonte një sfidë të drejtpërdrejtë për ekuilibrin gjeopolitik global, me rrezikun real të një përshkallëzimi të pakontrollueshëm.
Sipas “Stripes”, një faqe ushtarake online, disa përfaqësues të pranishëm në takimin e Ëiesbaden paralajmëruan se kërcënimet nga Rusia dhe Kina nuk duhet të analizohen si të ndara.
“Sa i përket mendimit tim, secili prej këtyre kërcënimeve ekzistuese nuk mund të konsiderohet një sfidë e veçantë. Ne duhet të reflektojmë se si kryqëzohen të gjitha “, tha Grynkeëich, duke shtuar se vendet e NATO-s duhet të respektojnë angazhimin e tyre për të rritur shpenzimet e mbrojtjes në 5% të PBB-së.
Ndërkohë, në frontin ukrainas , Grynkewich konfirmoi qëllimin e Aleancës për të forcuar mbrojtjen ajrore të Kievit.
“Nuk do të zbulojmë shifra apo afate kohore, por po bëhen përgatitje për të furnizuar Ukrainën me sisteme shtesë Patriot ”, tha ai, duke theksuar se kujdesi mbetet i domosdoshëm edhe në komunikimet strategjike.
