Avokati dhe analisti i njohur, Spartak Ngjela, ka bërë një deklaratë të fortë lidhur me ndikimin simbolik dhe historik të figurës së Adem Jasharit te udhëheqësit serbë.
Sipas Ngjelës, presidenti i Serbisë, Aleksandër Vuçiç, ka një “tmerr historik dhe të përditshëm”, që lidhet me një këngë të njohur kushtuar heroit kombëtar shqiptar, Adem Jasharit.
“Kënga e madhe kushtuar Adem Jasharit i kujton Vuçiçit historinë e vërtetë arbërore – heroizmin shqiptar dhe trashëgiminë mijëravjeçare të Ilirisë, Arbërisë, Shqipërisë dhe Kosovës”, u shpreh Ngjela.
Postimi:
E dini se ku e ka tmerrin e tij historik e të përditshëm presidenti i Serbisë Aleksandër Vuçiç?
Kënga e madhe kushtuar Adem Jasharit i kujton atij historinë e vërtetë arbërore; heroikën shqiptare dhe historinë mijëravjeçare të Arbërisë, në historinë e saj: Iliri – Arbëri – Shqipëri dhe Kosovë.
