Presidentja e Kosovës, Vjosa Osmani, sot ka pritur në presidencë, kryetarin e Partisë Liberale Egjiptiane, Veton Berishën.
Berisha, pas takimit në “Facebook” ka shkruar se se do të votojnë për secilin kandidat për kryetar të kuvendit i cili vije në votim të hapur në përputhje me aktgjykimin kushtetues.
“Biseduam për situatën politike në vend dhe për moskonstituimin e Kuvendit edhe pas aktigjykimit të gjykatës kushtetuese!
Para presidentës znj. Osmani i prezantova qëndrimet e Partisë Liberale Egjiptiane- PLE!
– Ne kemi qenë konstruktiv që nga fillimi,
– Ne asnjëher nuk do të veprojm në kundërshtim me kushtetuten dhe ligjet në fuqi,
– Ne do të votojm për secilin kandidat për kryetar të kuvendit i cili na vije në votim të hapur në përputhje me aktgjykimin kushtetues ,
– Ne jemi të gatshëm të jemi pjesë e asaj qeverisje që i respekton kërkesat dhe ju jep munësi komunitetit Egjiptian për të marrë përgjegjësi,
– Ne po ashtu për të mirën e vendit asnjëher nuk do jemi bllokues i ndërtimit të institucioneve por për asnjë çmimi nuk përulemi ndaj askujt individualisht përveq komunitetit Egjiptian ndaj seclit kemi përgjegjësi”, shkroi ai.
