Qendra Kombëtare për Menaxhim Kufitar në Kosovë ka paralajmëruar qytetarët dhe mërgimtarët për pritshmëri të trafikut shumë të ngarkuar në Zagreb dhe autostradat drejt kryeqytetit kroat më 5 korrik 2025, për shkak të një koncerti gjigant në ajër të hapur me rreth 500 mijë vizitorë.
Autoritetet kroate bëjnë me dije se trafiku i rënduar do të ndikojë në autostradat A1, A2, A3, A4, A6 dhe rrugën anësore të Zagrebit, me bllokime të pritshme në disa rrugë nga 4 deri më 6 korrik, sidomos gjatë natës nga e shtuna në të dielën.
Qendra Kombëtare për Menaxhim Kufitar rekomandon që udhëtarët të planifikojnë nisjen e udhëtimeve të tyre një ose më shumë ditë para ngjarjes për të shmangur vonesat e mëdha dhe të qëndrojnë të informuar përmes burimeve zyrtare të trafikut në Kroaci.
