Ylli i futbollit botëror, Cristiano Ronaldo, ka reaguar me një mesazh të ngrohtë dhe emocional pas vdekjes tragjike të Diogo Jotës dhe vëllait të tij, André, duke shprehur trishtimin e thellë dhe solidaritetin e tij me familjen e futbollistit portugez.
Në një postim në rrjetet sociale, Ronaldo ka shkruar:
“Nuk ka kuptim. Sapo ishim bashkë në Kombëtare, sapo ishe martuar. Familjes tënde, bashkëshortes dhe fëmijëve të tu, i dërgoj ngushëllimet më të sinqerta dhe u uroj të kenë gjithë forcën e botës. E di që gjithmonë do të jesh me ta. Pushoni në paqe, Diogo dhe André. Të gjithëve do të na mungoni.”
