Kreu i Aleancës për Ardhmërinë e Kosovës, Ramush Haradinaj, ka shprehur mbështetje për sulmet ajrore të SHBA-së ndaj kapaciteteve bërthamore të regjimit iranian.
Haradinaj përmes një postimi në Facebook, ai e ka lidhur këtë mbështetje me historinë e intervenimit të SHBA-së gjatë Luftës në Kosovë.
Tutje theksoi se sulmet ajrore të SHBA-së dhe aleatëve të saj kundër caqeve serbe ndihmuan në ndalimin e regjimit të Millosheviqit dhe shpëtuan popullin e Kosovës.
“Sulmet ajrore të Amerikës dhe të aleatëve mbi caqet serbe ndalën regjimin e Millosheviqit dhe shpëtuan popullin tonë,” ka shkruar Haradinaj.
“Mbështesim fuqishëm sulmet ajrore mbi kapacitetet bërthamore të regjimit iranian dhe angazhimin e Presidentit Trump dhe të Amerikës për paqe dhe siguri në botë.”, tha tutje ai.
