Për aksionin e së premtes në veri ku u mbyllën pesë institucione paralele ka reaguar edhe Ambasada e Italisë në Kosovë.
Në një postim të ambasadës në platformën X, thuhet se veprimet e njëanshme dështojnë të prodhojnë zgjidhje të qëndrueshme.
Ambasada e Italisë, krahas deklaratës ka shpërndarë edhe reagimin e Zyrës së BE-së në Kosovë për këtë çështje.
“Ambasada e Italisë në Kosovë thekson fuqimisht rëndësinë e dialogut dhe konsultimeve paraprake për të adresuar sfidat e komunitetit serb të Kosovës, duke theksuar se veprimet e njëanshme dështojnë të prodhojnë zgjidhje të qëndrueshme”, thuhet në reagim.
