Media shtetërore iraniane raporton se sulmi me raketa të mëngjesit në Beersheba kishte si objektiv kryesor një vendndodhje ushtarake pranë Spitalit Soroka, dhe jo vetë spitalin.
Sipas agjencisë IRNA, synimi ishte “shtabi i komandës dhe inteligjencës (IDF C4i)” i Forcave të Mbrojtjes së Izraelit dhe një kamp inteligjence në Parkun Teknologjik Gav-Yam, raporton BBC.
Raporti shton se spitali u ekspozua vetëm ndaj valës së shpërthimit dhe nuk pësoi dëme serioze, ndërsa infrastruktura ushtarake u godit direkt.
Parku teknologjik Gav-Yam Negev ndodhet pranë kampusit të Universitetit Ben Gurion dhe degës C4i të IDF-së, duke konfirmuar lidhjen e ngushtë mes këtyre objekteve.
