Real Madridi ka mbetur në barazim me Al Hilalin në ndeshjen e parë të Grupit H në Kupën e Botës për Klube, që u zhvillua të mërkurën mbrëma në Miami.
Ndeshja përfundoi me rezultat të barabartë 1:1.
Spanjollët kaluan të parët në epërsi me golin e Gonzalo Garcias në minutën e 34-të, por skuadra saudite, e drejtuar nga trajneri italian Simone Inzaghi, barazoi shtatë minuta më vonë përmes një penalltie të realizuar në minutën e 41-të.
Pjesa e dytë solli tensione edhe më të mëdha.
Në minutën e 89-të, Mohammed Al Qahtani i Al Hilalit u ndëshkua me penallti pasi, duke tentuar të largonte topin, e goditi në fytyrë futbollistin e Realit, Fran Garcia.
Gjyqtari e akordoi penalltinë pas rishikimit të VAR-it.
Megjithatë, portieri i Al Hilalit arriti ta ndalë goditjen e Federico Valverdes nga pika e bardhë, duke siguruar barazimin për skuadrën e tij.
Ndeshja shënoi debutimet zyrtare të dy trajnerëve të rinj: Xabi Alonso te Real Madridi dhe Simone Inzaghi te Al Hilali.
Po ashtu, për “Los Blancos” debutuan futbollistët Trent Alexander-Arnold, i cili luajti 65 minuta, dhe Dean Huijsen që kompletoi takimin.
Në ndeshjet e radhës të Grupit H, Real Madridi përballet me Pachucan, ndërsa Al Hilali me Salzburgun.
