Policia e Kosovës është duke zhvilluar aksion të gjerë në katër komunat veriore të vendit.
Sipas këtyre burimeve, pjesëtarë të policisë speciale kanë hyrë nëpër objektet ku kanë vepruar institucionet paralele të Serbisë.
Aksioni po zhvillohet në veri të Mitrovicës, Leposaviq, Zveçan dhe Zubin Potok, por deri tani nuk dihet qëllimi i këtij aksioni të policisë.
KosovaPress ka provuar të kontaktojë me ushtruesin e detyrës së drejtorit të policisë për rajonin e veriut, por ai nuk është përgjigjur.
