Nuk ka mrekulli për Shqipërinë. Kuqezinjtë nuk ia dalin për të thyer mallkimin e “X”-ave. Kuqezinjtë janë ndalur në transfertë nga Letonia në barazim 1-1.
Skuadra e drejtuar nga Silvinjo zhbllokoi ndeshjen në minutën e 29. Pas një harkimi të Hoxhës nga e majta, topi shkoi drejt Manajt, u devijua nga sulmuesi, por pastaj ishte Çernomordijs i cili e dërgoi topin në portën e tij.
Në minutën e 18, Letonia fitoi 11-metërsh. Pas një kundërsulmi të shpejtë të vendasve, Gutkovskis u rrrëzua në zonë pas një kontakti me Kumbullën dhe gjyqtari bën shenjë nga pika e bardhë.
3 minuta më vonë, Strakosha priti gjuajtjen e Ikaunieks.
Kur mendohej se ndeshja do të mbyllej me fitoren e Shqipërisë, Letonia barazoi shifrat në minutën e 45+4. Pas një goditje të shpejtë nga këndi, Çernomordijs mposhti me kokë Strakoshën.
Me këtë barazim, Shqipëria renditet në vendin e dytë me 5 pikë, ndërsa Letonia mban vendin e 3 me 4 pikë.
Ndeshjen e ardhshme, Shqipëria do ta luajë më 9 shtator në “Air Albania” kundër Letonisë.
