Gazeta pak më parë raportoi se Prokuroria Themelore në Prishtinë – Departamenti i Krimeve të Rënda, në bashkëpunim me Policinë e Kosovës, kanë arrestuar Erdi Marevcin, i cili dyshohet se ishte i përfshirë në natën kritike të rastit të ndodhur më 1 shtator 2024 në lagjen “Aktash”.
Ndërkohë, i dyshuari tjetër Darsan Marevci është në arrati.
Familja Marefci dhe familja Gashi kanë lidhje familjare. Më qartë janë në lidhje krushqësie.
Tutje dyshohet se në natën kritike i arrestuari Erdi Marevci dhe personi në arrati Darsan Marevci të kenë qenë aty.
Sipas njoftimit zyrtar, gjatë kontrollit është arrestuar një person i dyshuar për veprën penale të Vrasjes së rëndë në tentativë, në bashkëkryerje, si dhe për mbajtje pa leje të armës.
Gjykata Themelore në Prishtinë në muajin prill ua kishte vazhduar masën e paraburgimit edhe nga dy muaj të tjerë (secilit veç e veç) Korab Gashit, Valdrin Ademit, Robert Llumnicës, Salih Sekiraqës dhe Fatos Abazit, të dyshuar për rastin e vrasjes së Premtim Gashit, më 1 shtator 2024 në lagjen Aktash në Prishtinë.
