Shtetasja e Shqipërisë, Klevisa Ymeri është dënuar me burg për shkak të aksidentit trafiku me pasoja fatale nga pakujdesia. Sipas aktgjykimit të shkallës së dytë, ajo u dënua me pesë vjet burg.
Kujtojmë se në prill të vitit të kaluar ajo kishte fshehur një aksident në zonën e Ratacit (Kroaci) ku humbën jetën vëllai e motër Stjepan (21) dhe Katarina Xherek (18).
Ymeri fillimisht ishte dënuar me katër vite burg. Megjithatë, Gjykata e Qarkut në Rijekë, si organ i shkallës së dytë, e dënoi atë me pesë vjet burg dhe njëkohësisht e rrëzoi ankesën e Klevisa Ymerit. Në masën e dënimit përfshihet koha e arrestimit dhe koha e qëndrimit në paraburgim nga 11 prilli 2024 e në vazhdim.
Gjykata pranoi ankesat e prokurorisë së shtetit se si organi i shkallës së parë me rastin e shpalljes së aktgjykimit është dashur t’i kushtojë më shumë rëndësi rrethanave rënduese dhe pasojave të vërtetuara të aksidentit rrugor, gjegjësisht faktit që viktimat janë shumë të rinj të moshës 18 dhe 21 vjeç, vëlla dhe motër, vdekja e të cilëve prek rëndë dhe përgjithmonë gjithë familjen. Prandaj, dënimi me burg u bë më i rreptë.
Ajo la të vdekur vëlla dhe motër me një BMW
Kujtojmë se aksidenti ka ndodhur më 9 prill në rrugën shtetërore D-8 në qytetin Ratac afër Dubrovnikut. Ymeri ka tejkaluar në mënyrë të paligjshme mjetin përballë me një veturë me targa sllovake, e cila ka shkaktuar përplasje kokë më kokë me një Golf me targa të Makarskas të drejtuar nga 21-vjeçari Stjepan nga drejtimi i kundërt.
Eksperti mjekoligjor tha para gjykatës se Ymeri në momentin e përplasjes ka qenë duke udhëtuar me shpejtësi 90 km/h dhe se me BMW-në e ka goditur Golfin.
Drejtuesi i Golfit ka mundur ta shohë mjetin e të pandehures vetëm në një distancë prej 180 metrash, që është vetëm 3.89 sekonda para aksidentit, bazuar në lëvizjen e fenerëve të mjetit që po afrohej gjatë natës, në një rrugë të pandriçuar.
“Viktima ka frenuar intensivisht, por pa marrë parasysh shpejtësinë, kjo nuk ka mundur të parandalojë aksidentin”, ka thënë Todoroviq.
