Futbollisti i FC Zurich, Bledian Krasniqi, ka marrë ftesë për herë të parë nga trajneri Franco Foda për t’u bashkuar me Kombëtaren e Kosovës për ndeshjet e muajit qershor.
Krasniqi do të jetë pjesë e “Dardanëve” në përballjet ndaj Armenisë dhe Komorosit, duke shënuar një moment historik në karrierën e tij ndërkombëtare.
Kjo është hera e parë që mesfushori 23-vjeçar është ftuar nga Kosova, pas eksperiencës me grupmoshat e reja të Zvicrës.
Në këtë sezon, Krasniqi ka pasur një paraqitje të shkëlqyer me FC Zurich, duke zhvilluar 34 ndeshje, shënuar 6 gola dhe bërë 5 asistime.
