Qeveria e Kosovës ka miratuar propozim-vendimin që niveli i ri i pagës minimale të jetë 2 euro për orë për punë të rregullt apo 350 euro bruto në muaj për punë me orar të plotë.
Mirëpo, sa është paga minimale në vendet e Evropës?
Radio Evropa e Lirë ka publikuar një infografikë, ku shihet se paga më e lartë minimalë në Evropë është në Luksemburg- 2 mijë e 571 euro.
Pas Luksemburgut vjen Holanda (2134 euro), Belgjika (2070 euro), Gjermania (2054 euro), Franca (1767 euro).
Ndërsa pagën më të vogël në Evropë e marrin qytetarët e Bosnjës dhe Hercegovinës (318 euro), e cila është një pozitë më poshtë se Kosovë (350 euro).
