Bashkëkryetari i partisë “Guxo”, Faton Peci, ka folur shkurt për media para fillimit të seancës konstituive të Kuvendit, ku është pyetur për një takim të mundshëm me presidenten e vendit, Vjosa Osmani.
Kjo deklaratë e tij vjen pas takimit që presidentja zhvilloi me kryetarin e Nismës Socialdemokrate, Fatmir Limaj.
Peci ka theksuar se janë të hapur për takim me presidenten në rast se ajo i fton.
“Jo, s’po mendoj kurgjo. Nëse na fton ne jemi të gatshëm me marrë pjesë…” – tha ai shkurt.
Lidhur me mundësinë për zgjedhje të reja, ai ka qenë i qartë.
“Zgjedhjet e reja janë gjithmonë si opsion, por unë mendoj se nuk do të ishte një opsion i mirë. Opsioni i vetëm që mundet me qenë është që duhet të zgjedhet kryeparlamentari” – përfundoi ai.
