Në seancën konstituive të Kuvendit të Kosovës, e mbajtur të shtunën, është vërejtur mungesa e komunikimit mes kryeministrit në largim, Albin Kurti, dhe kandidates së Vetëvendosjes për kryetare të Kuvendit, Albulena Haxhiu.
Nuk dihet nëse Kurti dhe Haxhiu janë takuar para vazhdimit të seancës, por në sallën e Kuvendit ata nuk janë përshëndetur fare.
Kurti shihet i ulur në vendin e tij kur Haxhiu hyn në sallë, por asnjë ndërveprim nuk ndodh mes tyre. Kurti kishte mbërritur ndër të parët në Kuvend, megjithatë seanca pati një vonesë prej rreth 40 minutash.
