Një rast i dhunës në familje është raportuar sot në fshatin “Padalishte” të Istogut, ku një grua e moshës së tretë ka denoncuar të birin dhe nusen e tij për ushtrim dhune psikike dhe përpjekje për ta larguar nga banesa.
Burimet bëjnë të ditur se viktima M.K., 64-vjeçar, është paraqitur në stacionin policor, duke deklaruar se ndaj saj po ushtrohet presion dhe trajtim i rëndë emocional nga djali i saj B.A., 31-vjeçar dhe reja T.R., 41-vjeçare.
E njëjta ka pohuar se nuk ka pasur dhunë fizike, por është ndier e kërcënuar dhe e papranuar në shtëpinë ku banonte me familjen e të birit.
I dyshuari B.A. ka mohuar akuzat, duke thënë se kishte ndodhur vetëm një debat verbal. Ndërsa e dyshuara T.R. ka zgjedhur të mos deklarojë asgjë, duke u mbrojtur në heshtje në prani të avokatit.
Pas kontaktit me prokurorin e shtetit, është inicuar rasti si “Dhuna në familje”, ndërsa të dyshuarit janë liruar në procedurë të rregullt.
Viktima, me dëshirën e saj, është larguar nga shtëpia dhe është strehuar tek vëllai i saj.
Rasti është në trajtim nga organet kompetente.
