Është përcaktuar data e finales së madhe të Kupës së Kosovës në futboll, mes dy skuadrave të njohura, Prishtinës dhe Llapit.
Ndeshja do të zhvillohet të martën, më 21 maj, në stadiumin “Fadil Vokrri” në Prishtinë, duke filluar nga ora 20:00.
Në shortin e hedhur sot në selinë e Federatën e Futbollit të Kosovës, u përcaktua që Prishtina të jetë nikoqire në këtë përballje, ndërsa Llapi do të jetë skuadra mysafire.
