Një rast tjetër i rëndë dyshohet se ka ndodh në Vushtrri, pas tragjedisë që ndodhi mbrëmë ku u vra një 19-vjeçar.
Dy persona dyshohet se janë vrarë pas të shtënave me armë sot pasdite në Vushtrri.
Siç merr vesh Gazeta dorasi fillimisht e ka qëlluar me armë një grua, më pas veten.
Lajmin e ka konfirmuar edhe Valon Preteni, zëdhënësi i Prokurorisë Themelore në Mitrovicë.
“Prokurori është në vendin e ngjarjes, deri më tash është konfirmuar se një burrë ka vrarë një grua e më pas edhe veten”.
“Nuk kemi ende detaje dhe nuk e dimë relacionin e viktimave dhe as moshën”.
I trishtë duket momenti kur bashkëshorti i gruas së vrarë ka shkuar në vend të ngjarjes pasi e ka kuptuar lajmin.
