Një ngjarje e rëndë ka ndodhur sot në një lokal në Skenderaj, ku janë dëgjuar të shtëna me armë zjarri dhe për pasojë një person ka mbetur i vrarë, raporton GazetaKosova.net
Siç ka raportuar gazeta viktima e këtij rasti është 42-vjeçari Ismet Ibishi, ndërkaq personi që dyshohet se e kreu vrasjen është Hisni Ibishi.
Lajmin e kanë konfirmuar edhe nga Policia e Kosovës, të cilët kanë njoftuar se i dyshuari ndodhet akoma në arrati.
“Sot më, 12 shkurt 2025, rreth orës 13:50 policia në Skenderaj ka pranuar informatën për të shtëna me armë zjarri në rrugën ”Sala e Hamit Jashari” në Skenderaj. Sipas informatave fillestare të shtënat kanë ndodhur brena një lokal ku si pasojë e të shtënave nga arma e zjarrit dhe plagëve të pësuara ka humbur jetën viktima mashkull i moshës rreth 42 vjeçar, shtetas i Republikës se Kosovës”, ka thënë zëdhënësi i Policisë, Avni Zahiti.
