Policia ka dhënë detaje për zjarrin që ka shpërthyer në ish-objektin e Kino ABC-së tek Qafa në Prishtinë.
Në vend ngjarjes tashmë kanë dalë Policia dhe zjarrëfikësit që po punojnë për lokalizimin e zjarrit.
Lajmin e ka bërë të ditur zëdhënësja e Policisë së Kosovës për Prishtinën, Flora Ahmeti, ku tha se zyrtarët policorë janë dalë në vendin e ngjarjes dhe po merren me rrethanat se si ka ardhur deri te zjarri.
“Sot rreth orës 15:30, kemi pranuar informatën për një zjarr në një objekt në rrugën ‘Migjeni’ në Prishtinë. Në vendngjarje kanë dalë zjarrfikësit dhe policia të cilët janë duke u marrë me rastin”, ka thënë Ahmeti.
