Një kosovar është gjetur i vdekur afër stacionit të trenit në Strasbourg të Francës, mëngjesin e së shtunës, më 1 shkurt. Policia zbuloi trupin e pajetë të Sabit Haxhijajt, 37-vjeçarit me origjinë nga Kosova, i cili ishte duke fjetur në një strehë, raporton ‘Rue89 Strasbourg’.
Shkaqet e vdekjes akoma nuk dihen, ndërsa Policia ka nisur një hetim për të zbardhur rrethanat e rastit.
Siç raportohet, ai kishte më shumë se 5 vjet në Francë, ndërsa shoqërohej me një mik, i cili ishte ai që e gjeti pa shenja jete.
Tutje thuhet se Haxhijaj kishte bërë kërkesë për akomodim urgjent të premten, më 24 janar, në Pikën e Pritjes së Solidaritetit të SNCF.
