Nuk janë të rralla rastet kur zyrtarët policorë ballafaqohen me kërcënime serioze nga qytetarë në qytete të ndryshme të Kosovës. Shpesh herë pakënaqësitë e tyre kalojnë në kërcënime, duke ua vështirësuar kështu punën e madje duke ua kërcënuar edhe jetën.
Një rast i tillë ka ndodh edhe në Pejë, ku një qytetar pasi ka dalë nga stacioni policor, i nervozuar për shqiptimin e një gjobe në trafik, i ka sharë zyrtarët policorë dhe më pas njërin e ka kërcënuar.
Gazeta merr vesh se i dyshuar për rastin është: Armend Muriqi, 43-vjeçar.
Ai dyshohet t’i ketë thënë policit “të kallëzoj unë ty kush jam, shihemi e ta kallëzoj qefin”.
Për pasojë, Muriqi është arrestuar nga Policia e Prizrenit.
Pas intervistimit, me urdhër të prokurorit ndaj tij është iniciuar rasti për veprat penale ‘Kanosje’ dhe ‘Pengim i personit zyrtar në kryerjen e detyrave zyrtare’.
Po ashtu ai është dërguar në mbajtje për 48 orë.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
