Lahi Brahimaj, kandidati për deputet nga Aleanca për Ardhmërinë e Kosovës (AAK), ka zhvilluar një takim entuziast me rininë e kësaj partie në Deçan.
Në një atmosferë të ngrohtë dhe energjike, të rinjtë e Aleancës shprehën përkrahjen e tyre për kandidaturën e Brahimajt, duke vënë në pah angazhimin dhe përkushtimin e tij për të përfaqësuar interesat e qytetarëve në Kuvendin e Kosovës.
Gjatë fjalës së tij, Brahimaj theksoi rëndësinë e të rinjve në zhvillimin e vendit dhe premtoi se do të punojë pa kompromis për fuqizimin e rinisë, krijimin e mundësive të reja dhe avancimin e politikave në dobi të qytetarëve.
Aleanca për Ardhmërinë e Kosovës vijon aktivitetet e saj elektorale, duke u fokusuar në komunikimin e drejtpërdrejtë me qytetarët dhe promovimin e një platforme që synon zhvillimin ekonomik dhe përmirësimin e jetës së qytetarëve.
