E njohur me nofkën Catwoman, “gruaja mace”, për shkak të operacioneve të saj të shumta plastike, Jocelyn Wildenstein ndërroi jetë natën e Vitit të Ri (31 dhjetor) në moshën 84-vjeçare.
Lajmin për vdekjen e 84-vjeçares e bëri të ditur partneri i saj Lloyd Klein, duke thënë se mbylli syt përgjithmonë nga një emboli pulmonare.
Wildenstein shpesh i mohonte ndërhyrjet estetike duke thënë se “sytë me formë si të maces” për të cilat ishte aq e famshme, ishin gjenetike apo se modeli i flokëve i ndryshonte pamjen.
Sytë e saj u tërhoqën gjithnjë e më shumë drejt tëmthave për t’u ngjarë felinëve, lëkura tendosej fort dhe mollëzat ishin gjithnjë shumë të ngritura lart.
Përveç transformimit të saj fizik, Wildenstein ishte gjithashtu e njohur për jetën e saj luksoze dhe obsesionin me kafshët, veçanërisht me tigrat afrikanë. Ajo kishte krijuar një kafaz antiplumb për tigra në rezidencën e saj prej 200 ndërtesash, ku shpenzonte rreth 1 milion dollarë në muaj.
