Analisti politik, Blerim Gashi ka komentuar vendimin e Panelit Zgjedhor për Ankesa dhe Parashtesa, i cili ka certifikuar Listën Serbe për zgjedhjet parlamentare të 9 shkurtit.
Gashi e ka cilësuar vendimin e PZAP-së si të gabuar, duke thënë se Lista Serbe nuk duhet të certifikohet.
“Sërpska nuk duhet të certifikohet. Sërpska duhet ndjekur ligjërisht dhe t’i pamundësohet pjesëmarrja dhe keqpëdorimi i demokracisë elektorale në Kosovë”, ka thënë Gashi.
Ndryshe, më 23 dhjetor, përfaqësuesit e partisë në pushtet, Lëvizjes Vetëvendosje, votuan kundër certifikimit të Listës Serbe – partisë kryesore të serbëve në Kosovë që gëzon mbështetjen e Beogradit.
