Më herët u raportua për një incident të ndodhur në Pejë, ku u dëgjuan të shtëna me armë.
Rreth orës 16:08, ndodhi incidenti pranë stacionit policor, teksa në shenjestër u raportua se ishte një zyrtar policor.
Sipas raportimeve bëhet fjalë për policin Denis Shala.
Ndërkohë, rasti u konfirmua edhe nga Drejtoria Rajonale e Policisë në Pejë.
Këta të fundit deklaruan më herët se i dyshuari për të shtënat, E.M., u largua në drejtim të panjohur, por që i njëjti është lokalizuar dhe arrestuar nga organet e rendit.
Rreth orёs 18:25, ёshtё arritur te arrestohet i dyshuari i këtij rasti, ёshtё sekuestruar arma e cila dyshohet qё ёshtё përdorur nё rast.
Po ashtu ёshtё sekuestruar edhe vetura e cila ёshtё përdorur nё rast.
“Tё gjitha veprimet janё marrё ne koordinim me Prokurorin e shtetit, i dyshuari pas intervistimit me vendim te Prokurorit tё shëtit ёshtё dёrguar nё mbajtje pёr 48-orё, ndërsa rasti cilësohet “Vrasje e Rёndё nё Tentativë” dhe “ Mbajtje nё Pronësi, Kontroll ose Posedim i Paautorizuar i Armëve””, thuhet në komunikatë.
