Forcat ajrore në bashkëpunim me rojet kufitare ukrainase kanë arritur të shkatërrojnë një depo municioni dhe shtatë istikame të rusëve – duke përdorur dronët Vampire.
Sipas ukrainasve, rojat kufitare kishin lokalizuar trupat pushtuese, dhe kishin informuar edhe forcat ajrore lidhur me aktivitetet e tyre.
Duke përdorur dronët Vampire ndryshe të njohur si Baba Yaga, ukrainasit goditën depon e municionit si dhe shtatë istikame dhe strehimore tjera të rusëve.
Pamjet e filmuara nga ajri, shfaqin momentin kur bombat bien mbi depo dhe istikamet në të cilat fshiheshin rusët.
Kjo nuk është hera e parë që rojat kufitare të ukrainasve të shkatërrojnë makinerinë luftarake ruse, pasi shpesh marrin pjesë në operacione të fshehta.
