Izraeli nuk humbi kohë pas rënies së Bashar al-Assad për të bombarduar të gjitha asetet ushtarake siriane që donte t’i mbante larg nga duart e rebelëve duke goditur rreth 500 objektiva, duke shkatërruar marinën dhe duke shkatërruar 90% të sipërfaqes së Sirisë.
Pushtimi i malit Hermon pas rrëzimit të qeverisë në Siri, është një nga strategjitë më të mira të Izraelit kohët e fundit, megjithëse zyrtarët shprehen se pushtimi i tij është i përkohshëm.
“Ky është vendi më i lartë në rajon, duke parë Libanin, Sirinë, Izraelin. Është jashtëzakonisht e rëndësishme strategjikisht. Nuk ka asnjë zëvendësim për malet”, tha Efraim Inbar, drejtor i Institutit të Jerusalemit për Strategjinë dhe Sigurinë (JISS).
Automjete të blinduara izraelite në zonën tampon të demilitarizuar në lartësitë e Golanit
Maja e malit Hermon shtrihet në Siri, në një zonë tampon që ndau forcat izraelite dhe siriane për pesëdhjetë vjet deri në fundjavën e kaluar, kur trupat izraelite morën kontrollin e saj. Deri të dielën, samiti ishte çmilitarizuar dhe patrulluar nga paqeruajtësit e OKB-së.
Ministri izraelit i mbrojtjes, Israel Katz, urdhëroi ushtrinë të përgatitet për kushtet e vështira të motit pasi do të qëndrojë për disa muaj në zonën tampon.
“Për shkak të zhvillimeve në Siri, është e një rëndësie të madhe sigurie të mbajmë kontrollin tonë mbi majën e malit Hermon”, tha ai në një deklaratë.
Forcat e Mbrojtjes së Izraelit (IDF) kanë avancuar përtej samitit, deri në Beqaasem, rreth 25 kilometra (15.5 milje) nga kryeqyteti sirian. Izraeli pushtoi Lartësitë Golan, një rrafshnaltë strategjike në Sirinë jugperëndimore që i afrohet malit Hermon, e pushtuar që nga lufta e vitit 1967. Siria u përpoq të rimarrë territorin në një sulm të befasishëm në vitin 1973, por dështoi. Ndërsa Izraeli e aneksoi atë në vitin 1981.
Artileria izraelite në malin Hermon në 1974
Sipas ligjit ndërkombëtar, pushtimi është i paligjshëm, por Shtetet e Bashkuara e njohën pretendimin e Izraelit për Golanin gjatë administratës së Trump.
“Ne nuk kemi ndërmend të ndërhyjmë në punët e brendshme të Sirisë”, tha kryeministri izraelit Benjamin Netanyahu në një video disa ditë pasi Izraeli bombardoi qindra objektiva siriane dhe pushtoi zonën tampon të çmilitarizuar.
“Por ne sigurisht synojmë të bëjmë gjithçka që është e nevojshme për t’u kujdesur për sigurinë tonë”, shtoi Netanyahu.
Maja e malit Hermon është një pasuri e jashtëzakonshme nën kontrollin e Izraelit. Në lartësinë 2.814 metra, ajo është më e lartë se çdo pikë në Siri apo Izrael.
Organizata ndërkombëtare e cila promovon zhvillimin e qëndrueshëm mjedisor duke përdorur bambu (Inbar), tha se njerëzit që jetojnë në epokën e raketave dhe thonë se toka nuk është e rëndësishme, gabohen. Në një shkrim të botuar në vitin 2011, Inbar tregon avantazhet e shumta nga mali Hermon.
“Ai mundëson përdorimin e mbikqyrjes elektronike thellë në territorin sirian, duke i dhënë Izraelit aftësinë e paralajmërimit të hershëm në rast të një sulmi të afërt”, thuhet në shkrim.
“Alternativat e avancuara teknologjike si mbikëqyrja ajrore, janë të pakrahasueshme. Në ndryshim nga një instalim në një mal, ato mund të mbajnë pajisje të rënda si antena të mëdha dhe mund të rrëzohen nga raketat kundërajrore”, thuhet më tej.
Maja është pak më shumë se 35 kilometra (rreth 22 milje) nga Damasku, që do të thotë se kontrolli i ultësirës së saj siriane – gjithashtu tani në duart e IDF-së – e vendos kryeqytetin sirian brenda rrezes së topave të artilerisë.
Kryeministri izraelit më herët ka thënë se i është zgjatur dora qeverisë së re në Siri. Por, pas 7 tetorit i dha peshë sigurisë kombëtare duke bërë të qartë se nuk do të rrezikojnë vendin.
Netanyahu është shprehur gjithashtu se pushtimi është i përkohshëm. “Izraeli nuk do të lejojë grupet xhihadiste të mbushin atë boshllëk dhe të kërcënojnë komunitetet izraelite në Lartësitë Golan me sulme të stilit të 7 tetorit”, tha ai. Sipas Netanyahut, kriteri i tij për t’u tërhequr, ishte krijimi i një force siriane është e përkushtuar ndaj marrëveshjes së vitit 1974 dhe garantimi i sigurisë në kufi.
Por ende nuk dihet se kur mund të arrihet. “Nëse ushtria tërhiqet është një vendim politik. Por, ushtria do të qëndrojë me muaj të tërë në malin Hermon”, tha Inbar.
